കണ്ണോത്ത് ഹൈസ്‌കൂൾ സുവർണ്ണ ജൂബിലി;ജില്ലാതല ക്രോസ് കൺട്രി ചാമ്പ്യൻഷിപ്പ് നാളെ

കോടഞ്ചേരി: കണ്ണോത്ത് സെൻ്റ് ആൻ്റണീസ് ഹൈസ്‌കൂളിന്റെ സുവർണ്ണ ജൂബിലി ആഘോഷങ്ങളോടനുബന്ധിച്ച് കോഴിക്കോട് ജില്ലാ അത്‌ലറ്റിക് അസോസിയേഷനുമായി സഹകരിച്ച് നടത്തുന്ന ജില്ലാതല ക്രോസ് കൺട്രി ചാമ്പ്യൻഷിപ്പ്  നാളെ ( 2025 ഡിസംബർ 4-ന് ) വ്യാഴാഴ്ച ഉച്ചയ്ക്ക് 2 മണിക്ക് കണ്ണോത്ത് സെൻ്റ് ആൻ്റണീസ് ഹൈസ്‌കൂളിൽ വെച്ച് നടക്കുന്നു. രജിസ്ട്രേഷൻ അന്നേദിവസം ഉച്ചക്ക് 1.30ന് ആരംഭിക്കും.

​ചാമ്പ്യൻഷിപ്പിൽ അണ്ടർ 16, അണ്ടർ 18, അണ്ടർ 20, വിഭാഗങ്ങളിലെ ആൺകുട്ടികൾക്കും പെൺകുട്ടികൾക്കും, കൂടാതെ പുരുഷന്മാർക്കും വനിതകൾക്കും മത്സരങ്ങൾ ഉണ്ടായിരിക്കും.വിജയികൾക്ക് ട്രോഫി, സർട്ടിഫിക്കറ്റ്, മെഡലുകൾ എന്നിവ സമ്മാനിക്കും.

​വിവിധ വിഭാഗങ്ങളിലെ പ്രായപരിധി ചുവടെ ചേർക്കുന്നു:

​അണ്ടർ 16 (ആൺ/പെൺ): 25/01/2010 നും 24/01/2012 നും ഇടയിൽ ജനിച്ചവർ.

​അണ്ടർ 18 (ആൺ/പെൺ): 25/01/2008 നും 24/01/2010 നും ഇടയിൽ ജനിച്ചവർ.

​അണ്ടർ 20 (ആൺ/പെൺ): 25/01/2006 നും 24/01/2008 നും ഇടയിൽ ജനിച്ചവർ.

​പുരുഷന്മാർ/വനിതകൾ: 24/01/2006-ന് മുൻപോ അഥവാ അന്നോ ജനിച്ചവർ.

​ഈ ചാമ്പ്യൻഷിപ്പിൽ മികച്ച പ്രകടനം കാഴ്ചവെക്കുന്നവർക്ക്  ജനുവരി ആദ്യവാരം പാലക്കാട് വെച്ച് നടക്കുന്ന സംസ്ഥാന ക്രോസ് കൺട്രി ചാമ്പ്യൻഷിപ്പിനുള്ള കോഴിക്കോട് ജില്ലാ ടീമിലേക്ക് അവസരം ലഭിക്കും. 

ഒരുക്കങ്ങൾ  പൂർത്തിയായതായി സംഘാടക സമിതി അറിയിച്ചു.